ICC Kalaallit Nunaat

ICC Kalaallit Nunaat, issittormiut nunat suleqatigiissut immikkoortortaraat.  ICC-p siunertaraa Inuit pisinnaatitaaffii qulakkiissallugit, ataatsimoorneq, issittumi  allanngorarfiusumi, kulturi avatangiisillu aqqutigalugit.

ICC Kalaallit Nunaat 18-nik qinikkanik taaseqataasinnaasunillu aallartitaqarpoq, suliniaqatigiiffiullu taakku qullersarai. Kalaallit Nunaanni sapinngisamik kalaallit soqutigisaat pillugit suliniartut tamakkiisumik aallartitanut ilaasortaasassapput.
ICC-p Kalaallit Nunaata aallartitaasa, ullumikkut innuttaasut affai sinnilaarlugit sinniisuuffigaat.
ICC Kalaallit Nunaat inunnit tallimanit siulersorneqarpoq, taakku aallartitanit qinerneqartarput:   ICC-p nunani tamalaani siulersuisuunerini siulittaasup tullia, ICC Kalaallit Nunnaata siulittaasoraa, kiisalu ICC-mi siulersuisuunerni nunarput sinnerlugu ilaasortaq peqatigalugu. Aallartitat akornannit ilaasortassat pingasut aamma qinerneqartarput. Taakku ukiuni sisamani atasarput.
ICC Kalaallit Nunaata peqataaffigai, nunat tamalaat akornanni, nunami namminermi, nunallu  immikkoortuini  suliniaqatigiiffiit. Suliniaqatigiiffinni  ICC-milu kattuffiit ilaasortaasut aqqutigalugit anguniarneqarpoq inuiaqatigiinni paasineqarnerunissaq aammalu inuiaqatigiit inerisarneqarneranni peqataanissaq.  ICC Kalaallit Nunaat pisortanut allanullu ICC-p aalajangersagaliaannik politikkianillu timitaliinissaq anguniarlugu siunnersuisarpoq, soorlu inatsisiliornerni il.il.